DROPDOWN MENU

Friday, January 02, 2015

01/2015 Take your time & Enjoy


2014 Urlawk, Krismas, Ruai ni

URLAWK ZAN: Urlawk zana zaikhawm zo chu YMA Duty hmunah kalin harmei kan ai a. He hunah hi chuan a mawl apiang an pawn chhuak a, a fing leh inthup thiam erawh an tawmin ta niin a lang a, tawmim thei lo te pawh interek hran an thiam ta. Khawtlang tana mi hnawksak leh buaina siam reng an awm ngai ta lo.


KRISMAS NI : Krismas-ah naupangte leh nula leh tlangval, nu thenkhat ten mawi takin incheina tha ber ber nen naupiang chibai an buk a, hmuh an nuam hle a ni. Pa ho erawh ngaihsam rawngkaiin incheina lam an inthlahdah leh pek a nih saw. Biakin leh a vela thlala tura lo hmanhlel an thahnem hle a, inkhawmban thingpui leh inhnawhpuarna lam reng an ngaihsak lo. Zaikhawm an pung hluai lova, a thahnemngai fal ten phutna nei miah lovin an zai a, an lam bawk a. A heheu zualte erawh chuan tlailen bak lungkham nei lovin, a thei an inphur chhuak a, a theiin music zawmin an tlanliam ta a nih kha. 


KRISMAS RUAI NI : Krismas tuk chu ruai ei ni a ni a, he hun hi ka chin than angin ka tana hun nuam ber leh inlak engthawlna hun a ni thin. Ruai ei zawh hian ngaihzawng te inah ka leng thin a, ka len loh pawhin thlanmual leh hmun fal deuhah kalin phone hmangin kawppui te engthawl takin ka be mai thin a ni. Khuahmun loh Di an tih ang hi ka nei thin a. Kum tam tak chu ka lo ching thang ta. Khuahmuna leng  mah hian intawnni an nghakhlel thin a nih chuan khuahmuna leng ngaih tur nei ta lo chu khawhar hnem bak tih theih awm hek lo le.

Zan reia rilru pang khing taka zan hun ka hmanlai chuan beisei loh lam atangin Phone call ka dawng nawlh mai. Zing dar khat vela chuti ang phone chu a pawimawh dawn em avangin chu tlangval chu ka be ta a. “Biakinah ka awm a, min lo tawngtaipui teh a, ka buai tlat” tiin.

Thawhphan awm lo lekin Biakinah ka kal a, ka tawngtaipui a, a tap hawm hawm a, ka tap ve bawk a,  Thalai hruaitu ka ni a, min mamawhna avangin min ko a, a harsatna sukiang turin ka puihna a dil a nih chu. Pui thei ka ni lo a, ka hrethiam a ni tih erawh a hria a, a thla a muang em em a ni.

KAN  INKAWM: “A hminga ngaihzawng nei ang ngawr ngawr ni-a ka inhriat avangin rilru zawng zawng pek har ka ti thin a. Rilru pek loh ka tumin ka buai hmasa ziah a, Ngaihsak turin ka beisei lova, ka ngaihsakna a hrethiam lo erawh ngaihdan ka nei thiam tawh a. Keimah zawk hi ka inngaihtuah chiang a, ka mangang a ni. A chhan chu ka chan phal si lo a” tiin

Richard Bach-a thusawi hmang chuan “I hlimna te hi mi dang thiltihah a innghah thin avangin, harsatna i nei ta niin ka hria” tih chu ka rilru-ah a lo lang a.  Phatsantu ka ni ngai lo a, phatsan nih hrehawmzia pawh ka lo hriat ve tawh avangin. Harsatna sutkian theih loh a awm lo a, kan hmachhawn dan a zir a ni tih hi hrilh mah ila, ka tana sawi ni zawk tlatin ka hria a. Huaisen takin, a nih ang ang chu hmachhawn turin a inbuatsaih a, ka inngaihtuah nasa hle.

“Hunpuiah meuh chuan kawppui neite an inngai a, an inthlahlel thin a ni ngai a. Kei ve zawng biak ngam loh leh pawh theih loh zunah ka lo uai a nih dawn hi. Ka zuam sual a, cho loh leng ka tawng a nih hi, ka rilru hian a ni ang hmeichhe fing leh mize danglam chhai tur hian ka phak ve lo a ni ang. Hlimna pe tur hian ka tlin ve lo a ni ang” tiin a ngaihtuah nasa hle. Rilru na dawnin lungleng dawn hle mahsela Psyche   avanga nun tihtawp chu a tum ta lo a. Pathianin a khawih tlat si a.

 Khawvar thlenga awm duh mah nisela, a chhungte ngaih a that loh ka hlauh avangin ka hawpui ta a. Rinlawk ang ngeiin a nu chuan Biakin Gate bulah kan tawk a. An inthlengin ka thlah a, lungmuang takin ka awm thei ta. 31122014


No comments:

Post a Comment