49/2015 Book Review

GILEAD AT A GLANCE :

Ka server muan avangin minute sawmhnih vel chhung chu edit awm aih lo khawpin Gilead ka chhiar a, kan bih thuak thuak  teh ang.

Thuhma:              Gilead lo chhuak tur hi ka ngaihven hle a. Bihchian lawk ka duh avangin Editor Pu Laltholeha Chhakchhuak leh President, Pu Puia Hauhulh te chu chanchin ka zawt a. Pu Tholeha kutchhuak hmaih ngai lo ka ni a, ka hmu chak tawh bawk a ni. Kan lawman entirnan  he Lehkhabu hi kan pe ve che  ani , yours Tholeha 12/8/13 tih a chuang kalh mai a. Ka lawm hle. Pek ve na na na chu Lei pawh ka tum chuang lo a.

Gilead phek 115 laia chhah chu zan khat thil thu-ah ka vaihma ta vek a. Ka meng rei pherh hrep mai. Lehkhabu ka chhiar hian pen nen ka duhlai leh rilrua lo awm hi ka chhinchhiah thin avangin a sawt mawh thin hle a ni. Amah Laltholeha Chhakchhuak phalnain ka hmuhdan ka ziak dawn a ni.

A kawm :             Gilead tih lehkhabu (Souviner an tih bawk) hi a kawm hi a mawi hle a, TKP Ebenezer Unit, Zobawk tih bak hmuh tur awm lo hian a tifelfai hle a ni. Nimahsela, Gilead Editor Pu H.Vanlalngheta thuziah ang hian Gilead tih ziah rual hian “Krista aia palai kan ni (II kor 5.20)” hi ziah tel ve a va mawi dawn em ka ti a ni. (page 5 2^nd para)

Ebemania :          Zobawkah chuan Ebenezer hi kohhranpui leh hmasa, changtlung, kan entawn leh ngaihsan a la ni thin a. Biakin sa tur reng rengin an tihdan entawn loh chuan kan sa puitling theih thin lo a nih kha. Ka pa, Mistiri senior thin meuh pawh confi thei lo a, nileng deuh thaw-a Biakin liang leh a chungzar dan han thlithlai thin kha a nia. Hetia Gilead meuhin a kum 25-na a thleng hi ka lawm a ni.

A vuakvet :         Lehkhabu ka enrual a, ka en hmasak pawl chu Chhuah kum, Copy zat leh a man hi a ni. He phekah hian Editing a mumal lo hle a. Entir nan, Editorial te, Publisher TKP Ebenezer Unit tih te, A Man –Rs 70 tih ngawt te hi a ni. Kan Editor hian chhungkuaa a buaithu a sawi miah lo a, mahse a buai a nih ka rinsak thiam mai a.  Hawrawppui hman lohna tura hmang ka hmu tam lutuk hian min tilunghnur fo mai. Entirnan,  A Man – Rs 70, A Chhunga Thu Awmte,  Zalenna leh Hman thiam, Mipa in A nu leh Pa a kalsan ang a. Kohhrana Zaipawl Tha, mizo Bible Lehlin Pahnih Khaihkhinna, Bel ruak Thukhawhchang, Thihna Kailawn, Editor Thuhma etc-a  hawrawppui thenkhat hi chu a Shift hmehna tha hi ka ui tlat a ni. Rawngbawlna sangzawk a chelh tak vangah ka ngai a, ka ngaidam e. Mahse ka beisei dan erawh a ni lo, ka beisei sang si a.

A chhung thu :

 Message ziahdan hi a tawk hle a, lansarh tum leh sum hmuh tumna avanga mi dang sawm treuh ching kana wm hi a fuh lo hle thinin ka hria. Mahse hetah chuan a ni lo.  Bih thuak ila, sawisel ngai lai leh fak ngai ni-a ka hriatte ka sawi mai dawn a ni. Tualchhung mi ziak bak erawh ka sawi thui dawn lo. He corrects me incorrectly tih Revd Chuauthuama leh PC Biaksiama inchhal dan angah kha chuan min lo ngaihsak loh hram ka beisei.

1. Gilead chanchin tlangpui, Akhaih, Gilead Chanchin Tlangpui (1988-2013) H. Vanlalngheta ziah hi a tawi tha hle mai a, a tawi mah mah a ni.  A laimu ber a ni si a. Cyclostyle hmui vung bura chhem hunlai te pawh min ti hrechhuak a, a thluai thlum lo mah mahin ka hria a, ka ui ngawt mai. Editor hmasa ber T.Lalhmingmawia thihna chhan tal te hi ziak tel hram se Ebenezer mai ni lo, Zobawk khawtlang hi a mawi phah dawn vei lehzual asin.

2.  Gielad leh Kei, H.Lallawmzuali ziah hi ka ngahlu bera, a chhan chu Para thumna, tlar li-na thu “ Gilead ka sem tur agent hnena ka sem hian tumah ka thawn ngai lo va, an inah kalin ka pe chhuak vek thin” tih tluka rawngbawlnaa chiang hi he hekhabu-ah hian ka hmu lo a ni.

3. Section II hi ka la hriat ngai loh thil a ni a, hei hi lehkhabu kawm hnung lama dah tur ni-awm tak, arrange setting sual vangah ka ngai a. Engtizia a Editor Note-ah hian keimah chiah ka degree hi ziak ni maw? Kei aia thiam leh fel, zirna-a sang an awm teh  lul nen. Tunlai tawng takin, Mak ve teh tlat mai a! Mi promote hi a tum viau ni turah ka ngai ngawt !!

4.  Mizorama Missionary hmasa ber hi a tha tih bak ka sawi thiam lo. Kan unau presbeterian zawng zawng a copy pek vek chi niin ka hria!! Points tawp ber erawh hi chu nawtreh ila.

5.  BCM – Mizoram People Forum-a a tell oh Chhan –Rev H. Lianngaia Gen Secy meuh heti anga atana a sawm chhuak thei hi Editor ka fakna a ni. Mahni inawhhlumna tur hming ziahtir tum ang velin ka tehkhinin ka hria.

6. Euthanasia : Hei hi ka chhiar peih hrih lo takin. Upa ka nih tak mialah chuan ka la chhawr ang.. (Fiamthu anih hi).

7. Ram a chhiat loh nan daitheu a hun ta tih hi ka ziah a ni. Para hmasa berah ka ziak tawh tho-a ka inthiam chawp a ni. Min comment dana Baptist Hospital, Serkawn a ti hi chu lo hrethiam hram hram ta i la, AIDS Counsellor hi a ni hrehawm awm chu!!

8. Ama ziah ngei hi a ni, ka chhiar uluk chu. Hei hi Vanglaini daily lam atanga ka tuipui tawh a nih avangin ka chhawrin, ngaihnawm ka ti hle a. Bible leh theology tello hian thu a ziak thiam ta lo emaw chu aw tiin ka ngaihtuah a. Hmanlaia thluak sukna chu lehkhazir leh sona bun an tih ang deuh khan a lo hr eve zul tawh si a (Fiamthu)  Tholeha hmel a langin ka hria. A tawpah  degree an ziak ve ta!! MA (Politics) tak hi khawi lamah nge a zir ka hre lo a, Mizoram University lamah chuan degree an OFFER lo phawt a, IGNOU lamah hian an lo ti nge ka hre lo a, Political Science zo a, Politics khel tura ka beisei ruk a ni si a.

9.  Zet-u + Zu hi thianpa Andrea-a, MCS/IAS ni tura zirtirtu te chuan an beisei ruk thin a ni a. Pasitor a zir daih, a la thlengsang em em mai leh nghal!!  A thuziakah hian lehkhabu a keu hnem ve ngawt ang tih ka ring.

10. Mahni inhneh – Upa Dr. KL Biakchungnunga ziah hi ka chhawr nghal pang mai. Mi thiam, thuziak thiam bawk, a sawi lehzel pawh thiam a ni. Hei erawh ka belh duh, ka pian kum ka zep lem lo a, ka sawi lang lo hram thin mai a ni!!

11. Astronomy leh Astrology hi horoscope atan chauha hman thin emaw ti tan chuan a vat ha em!!  A last para hian a khuh mawi hle mai le.

12. Pu Lalduhawma Chhakchhuak ziak ang hian Kohhran Zaipawla Director neih a tulna chhan  hre lo mi ka ni a. Conductor chakna tichak lo fo thinin ka hria.

13. PC Vanlalrova ziah ka sawi hma hian a thlalak ka hmu lo va, mak ka ti hle !! (Fiamthu) Ka dinhmun lo lang chiang ta em em chu Thaibawih ai hian Thaibawih theih loh hi ka hlau vet ran ta in ka hria….hahaha

14. Mizo Bible lehlin pahnih khaikhinna hi Zobawk mi hmasa, advance writer ziah a ni a,  ka thurawn lakna thin a ni. Version a telh hi sap nghawng a ni a. Lehlin hmas tih hian fiah tawkah ka ngai a, Version telh erawh a tul viau lo. Hmuh tuma ka lo zawn rilruk, Phillippi 3.16 “Eng pawh ni sela, kan thlen chin hi I duhtawk phawt mai ang u” tiha ziak thin a awm an tih fo hi theologian te lehlin chhan ka hre chak hle a ni. Zobawk min tihmingthatu sawm zinga pakhat a ni tiin ka sawi ve thin.

15. Zalenna Dik leh Hman Thiam – V. Rokhawlkima hi Essayist niin ka hria a,  Bible chang nen meuha lo ziak chhuak ta fo hian a urthlu ngangah ka ngai a. Amah a zalen hawk ang a, ka zalen phah ve a ni.

16. Bel ruak thukhawchang ziaktu hi nuih tiza thin a ni. Gilead avanga Kohhran Committtee  hialin an kamkhat tawh niin ka hria a, ziak awm tak a ni. Missionary a nih tak atang hian amaha ziaktu awm kha ka hmu thei tawh lo a. Artificial writer-ah ka ngai tawh. Mihring taka a ziah atchilhtu ka ni thin a, tunah zawng sap tawng kualkhung a ngaisang ta a ni e…. hahahha ) He thuziak hi a lo hmuh ngei atana ka ziah a ni e.)

17. Thihna kailawn – Rev Lalremsiama Fanai hi ka room atanga email hmanga thawntu ka ni a. Last minute a tuar niin ka hria a. A hming leh nihna ziah dan pawh hi a ding luk ngat tawh a ni.  A tawpa Comment awm lo pawh hi Editor-in min chah miah lo na-a, Aizawlah Computer khawih mai tur an awm tawh si lo a, ka edit hman ngang tawh lo a ni” tiin min phat sak rawh a ti kan tih ngawt kha. Sumo chuang lai Email-a thawn a nih avangin engtin nge Editor hian alo hmuh hman zawk tiin tunlai thiamna san tawhzia ka ngaihtuah mai mai a… He thuziak hi ka tan leh ka eizawnna atan a pawimawh a ni.

Ka duhdan ang taka typing/grammatical edit a nih bawk avangin a ziah dana sawisel duh inawm chuan a mawh ka phur ang e. A ziaktu berin  mizo tawng kha lo en rawh min ti si a.

Editor hnenah lawmthu ka sawi a, hmalam a kal zelna torah a bikin lawmthu ka sawi a ni. Chuti ang bawkin Editor ring tawk taka engkim a chunga an nghat ngam thin hi Unit Commt ka fakna a ni. Mawhphurhna inpeka inrintawk leh si loh hi ka ngaithei lo. Mizoram issue keng tel thu tha thlan khawm hi a hlu-in a mawi a ni….lom m m e